14/10/2014 13:12:13

''JO'' lejet nëse ndotin mjedisin

Leja mjedisore dhënë për ndërtimin e hidrocentralit Langarica në Bënjë do të anulohet nëse vërtetohen dëmet që ai sjell në mjedis

TIRANË - Ministri i Mjedisit Lefter Koka deklaroj mbrëmë në një emision televiziv se nuk do të ketë leje atje ku preken interesat mjedisore. Edhe leja mjedisore dhënë për ndërtimin e hidrocentralit Langarica në Bënjë do të anulohet nëse vërtetohen dëmet që ai sjell në mjedis. "Ne ndodhemi në këtë fazë. Bëmë vlerësimin e të gjitha dokumentacioneve ligjore, lejeve përkatëse të marra, ku rezultojnë në mbështetje të ligjit. Do të bëjmë rivlerësimin mjedisor. Tashmë grupi i përbashkët me specialistët e jashtëm do të bëjnë vlerësimin nëse këto leje të dhëna japin shqetësim për mjedisin, apo janë ato shkak i tharjes të banjave termale. Sigurisht që do t’i heqim, nëse ka qoftë edhe një provë shkencore që do të provojë që sjell dëm në mjedisin ku është dhënë", tha Koka. Duke u ndalur tek ndotja e ajrit, ministri bëri me dije se ndonëse ndotësit kryesor janë automjetet, nuk do të merren masat e menjëhershme ndaj tyre, por do të rriten kontrollet për cilësinë e karburantit. Koka theksoi se në nivelin e ndotjes ndikojnë dhe ndërtimet.

HermesNews - ©2014

Dërgo me email | Stampo artikullin