13/10/2014 16:50:01

Në pritje të akuzave të tjera për ish guvernatorin

Fullani hetohet dhe për tenderat e rikonstruksionit të godinës qëndrore, shitjen e hotel Dajtit, rikonstruksionin e tij dhe qeratë miliona euroshe që banka paguante për ambjente

TIRANE - Vjedhja e L713 milionëve është ndarë në tre dosje penale. Akuza për shpërdorin detyre e ish guvernatorit të bankës së tiranës Ardian Fullani do hetohet veçmas për shkak se hetimet vazhdojnë. Fullani hetohet dhe për tenderat e rikonstruksionit të godinës qëndrore, shitjen e hotel Dajtit, rikonstruksionin e tij si dhe qeratë miliona euroshe që banka paguante për ambjente. Për të gjitha këto akuza Fullani do të merret përsëri në pyetje. Pesëmbëdhjetë punonjës të Bankës, ndër ta dhe ish-Inspektorja e Përgjithshme Elivar Golemi dhe Drejtori i Thesarit Dorian Çollaku, akuzohen për shpërdorim detyre. Po me të njëjtën akuzë punonjësit e tjerë që janë dërguar për gjykim janë Petrit Ramohitaj, Bashkim Xhilaga,Lavdim Cane,Myzejen Belba,Liljana Tusha,Dhimitër Davidhi, Gentian Jahja,Bahri Allushi, Ilir Dedja,Fatbardha Gurdhi, Emiljano Lamçe, Mehdi Molla dhe Mehdi Marku.Por për skandalin e vjedhjes në thesar po hetohet veç, personi i cili denoncoi vjedhjen, Ardian Bitraj si dhe bashkëpunëtorët e tij Mimoza Bruzia dhe nipi i Bitrajt, Klevis Bejtja. Këta tre shtetas do të hetohen për akuzë e vjedhjes së Bankës dhe kursimeve e nëse akuza vërtetohet ata rrezikojnë burgimin deri në 20 vjet.

HermesNews - ©2014

Dërgo me email | Stampo artikullin