13/10/2014 11:50:39

KLD, publikon shkeljet e dy anëtarëve

Parlmenti, me kërkesë të deputetëve të maxhorancës, miratoi pak javë më parë ngritjen e një komisioni hetimor për shkarkimin e dy anëtarëve të Këshillit të Lartë të Drejtësisë, nënkryetarit Elvis Çefa dhe anëtarit Lulzim Lelçaj, me argumentin për shkelje të rënda të ligjit

TIRANË - Komisioni hetimor, që shqyrton kërkesën për shkarkimin e dy anëtarëve të Këshillit të Lartë të Drejtësisë të zgjedhur nga Kuvendi, është mbledhur paraditen e së hënës ku pritet të publikojë gjetjet dhe shkeljet e konstatuara në dokumentacionin e dorëzuar nga Inspektoriati i Lartë i Deklarimit dhe Kontrollit të Pasurive (ILDKP), Ministria e Drejtësisë dhe Shkolla e Magjistraturës, për dy anëtarët Elvis Çefa dhe Lulzim Lelçaj. Kryetari Armando Subashi tha se në materialin e dorëzuar në Kuvend nga KLD, mungonte proçesverbali i mbledhjes së datës 28 maj 2014 dhe ai i mbledhjes së datës 30 maj. Në këtë kuadër, komisioni i dërgoi një shkresë KLD-së ku i kërkonte plotësimin e procesverbalit.

HermesNews - ©2014

Dërgo me email | Stampo artikullin