10/10/2014 14:19:01

Rrezik eminent për eurozonën

''Ne nuk sugjerojmë se eurozona po i drejtohet recesionit por po themi se ekziston rreziku që kjo gjë të ndodhë nëse nuk bëhet asgjë''

WASHINGTON - Zona euro përballet me rezikun serioz të një recesioni nëse nuk veprohet për të nxitur rritjen ekonomike në rajon, paralajmëroi sot drejtoresha e përgjithshme e FMN-së, Christine Lagarde. “Ne nuk sugjerojmë se eurozona po i drejtohet recesionit por po themi se ekziston rreziku që kjo gjë të ndodhë nëse nuk bëhet asgjë”, deklaroi drejtoresha gjatë një konference për shtyp, para zhvillimit të Asamblesë së Përgjithshme të FMN-së në Uashington. Sipas Lagarde, “mundësia për një ngushtim ekonomik të eurozonës vlerësohet nga FMN-ja në rreth 35 dhe 40 për qind”. Sipas Lagarde, një pjesë shumë modeste e rënies ekonomike lidhet me krizën ukrainase dhe sanksionet kundër Moskës.

HermesNews - ©2014

Dërgo me email | Stampo artikullin