10/10/2014 13:17:08

2018, ndryshimet në pensione

Për herë të parë, të vetëpunësuar në bujqësi do të kenë të njëjtat përfitime me ata që janë të punësuar në zonat urbane

TIRANE - Ligji “Për sigurimet shoqërore”, që hyn në fuqi në datën 1 janar 2015, parashikon të sjellë ndryshime rrënjësore dhe në skemën e fshatit, nga e cila të vetëpunësuarit në bujqësi do të përfitojnë pensione më të larta, për ata që kontribuojnë më shumë dhe për sa më shumë vite. Me ndryshimet në ligjin e sigurimeve shoqërore, për herë të parë, të vetëpunësuar në bujqësi do të kenë të njëjtat përfitime me ata që janë të punësuar në zonat urbane dhe që paguajnë sigurimet shoqërore. Sipas ISSH, synohet që në vitin 2018, skema e pensioneve rurale të integrohet me atë urbane në një skemë të vetme kombëtare, çka do të thotë se nuk do të ketë asnjë diferencë në masën e pensioneve të fshatit me ato të qytetit. ISSH bën të ditur se, numri i kontribuuesve në skemën rurale, këtë vit llogaritet në 33 mijë persona. Reforma e ndermarrë në ligjin “Për sigurimet shoqërore” synon të nxisë fermerët, pë tu bere pjese në skemën e sigurimeve.

HermesNews - ©2014

Dërgo me email | Stampo artikullin