10/10/2014 13:07:42

Demokratët çojnë reformën në Kushtetuese

Ligji shkel rëndë Kushtetutën në disa nene të saj, duke nisur që me procedurat e ndjekura për miratimin e tij

TIRANË - Partia Demokratike ankimoi sot në Gjykatë Kushtetuese ligjin “për ndarjen administrativo-territoriale”, i miratuar nga Kuvendi më 31 korrik. Sipas deputetit demokrat, Oerd Bylykbashi, i cili dorëzoi në Kushtetuese kërkesën, ligji shkel rëndë Kushtetutën në disa nene të saj, duke nisur që me procedurat e ndjekura për miratimin e tij. "...kemi kërkuar edhe pezullimin e këtij ligji. Është një nga përpjekjet më të papranueshme në shkelje të Kushtetutës në shumë aspekte, jo vetëm një shkeljen e marrëveshjeve politike. Është shkelje e Kushtetutës qoftë në aspektin proçedurial, duke shkelur çdo rregull, qoftë në aspektin e shkeljes së një sërë të drejtash që përcakton Kushtetuta", tha Bylykbashi. Sipas opozitës ligji ka një qëllim të vetëm, që është kapja dhe fitorja në tavolinë e zgjedhjeve të ardhshme lokale. I pyetur nëse Gjykata Kushtetuese do të lërë në fuqi ligjin e miratuar në fund të sesionit kuvendor, cili do të ishte qëndrimi i opozitës në zgjedhjet e ardhshme vendore, Bylykbashi u përgjigj se ‘me këtë hartë nuk mund të ketë zgjedhje’.

HermesNews - ©2014

Dërgo me email | Stampo artikullin