10/10/2014 10:48:18

Bankat shqiptare fitim rekord për tetë muaj

Përveç rritjes së të ardhurave nga interesat, vlerësohet se faktori përcaktues në rritjen e fitimeve të bankave është ulja e ndjeshme e shpenzimeve për fondin rezervë të kredive me probleme

TIRANE - Sistemi bankar regjistroi për 8 muajt e këtij viti një fitim rekord prej 7.1 miliardë lekësh. Sipas të dhënave nga Shoqata Shqiptare e Bankave, gjatë muajit Gusht, fitimi i bankave u rrit më tej nga vlera 5.7 miliardë lekë e 7 mujorit. Sistemi bankar këtë vit po konfirmon një përfitueshmëri të lartë, duke përmbysur ecurinë negative të vitit të kaluar, kur për të njëjtën periudhë rezultonte me humbje për 1.6 miliardë lekë. Edhe treguesi i kthimit nga kapitali është përmirësuar në 10.2%, ndërsa kthimi nga aktivitet është në nivelin 0.9%. Përveç rritjes së të ardhurave nga interesat, vlerësohet se faktori përcaktues në rritjen e fitimeve të bankave është ulja e ndjeshme e shpenzimeve për fondin rezervë të kredive me probleme.
Qëndrueshmëria e kredive me problem është favorizuar edhe nga masat e Bankës Qendrore dhe sidomos ato që lidhen me ristrukturimin e kredive.

HermesNews - ©2014

Dërgo me email | Stampo artikullin