09/10/2014 13:50:11

Kukan, duam dialog politik

Jemi dëshmitarë se ka rritje të problemeve në funksionimin e institucioneve dhe dialogut politik

TIRANË - Eurodeputeti sllovak Eduard Kukan, një ditë pasi, Komisioni Europian ka publikuar progres raportet për vendet e Ballkanit Perëndimor kërkon për këto vende më tepër dialog ndërmjet qeverive dhe partive opozitare në tre vendet e Ballkanit Perëndimor të cilat po pengojnë reformat e kërkuara nga Brukseli."Ne jemi dëshmitarë se ka rritje të problemeve në funksionimin e institucioneve dhe dialogut politik në disa vende të rajonit. Unë mendoj se më shumë vëmendje duhet të bëhen për këto procese politike. Bojkotet e fundit të parlamenteve në Shqipëri dhe Maqedoni, së bashku me situatën problematike pas zgjedhjeve në Kosovë janë mjaft shqetësuese. Procesi i integrimit kërkon konsensusin e përgjithshëm, të të gjithë spektrit politik, së bashku me punën efikase të parlamenteve. Unë do të doja të kujtoj partnerët tanë në rajon që kjo është pikërisht parlamenti i cili duhet të shërbejë si një arenë për shkëmbimin e mendimeve. Bojkotet janë kundër-produktive, rezultojnë vetëm në shtyrjen e procesit të integrimit", theksohet në një deklaratë të Kukan.

HermesNews - ©2014

Dërgo me email | Stampo artikullin