09/10/2014 12:02:23

Konsum dhe investime për ekonominë

Në 3-mujorin e parë të vitit 2014, aktiviteti ekonomik në vend u zgjerua përkatësisht me 1.65% dhe 0.2% në terma vjetorë dhe tremujorë

TIRANE - Konsumi dhe investimet private po japin ndikimin kryesor në përmirësimin e ekonomisë, bëri të ditur Banka e Shqipërisë në raportin e fundit të publikuar prej saj mbi “Stabilitetin financiar dhe ecurinë e sistemit bankar në vend gjatë 6-mujorit të parë të vitit 2014″. Në tremujorin e parë të vitit 2014, aktiviteti ekonomik në vend u zgjerua përkatësisht me 1.65% dhe 0.2% në terma vjetorë dhe tremujorë. Me përjashtim të sektorit të ndërtimit, të gjitha degët e ekonomisë kanë kontribuar pozitivisht në rritjen ekonomike. Rritja ekonomike ka reflektuar përmirësimin relativ të kërkesës së brendshme, të ndikuar kryesisht nga konsumi dhe investimet private. Sidoqoftë, përmirësimi i ekonomisë ka nevojë të bëhet i qëndrueshëm, në mënyrë që të japë efektin e tij në tregun e punës, ku norma e papunësisë rezultoi 17.7%.

HermesNews - ©2014

Dërgo me email | Stampo artikullin