09/10/2014 10:32:41

AMA, Parlamenti miraton kandidatët Gjipali dhe Misha. PD kundër

Votimi kalon sot në Parlament për anëtarë të autoritetit të mediave audio vizive. Në garë për kreun shtatë emra

(20:31) "Duke votuar dy anëtarë të keshillit të AMA-s, mazhoranca ne Kuvend benë sot nje akt te paligjshem dhe te pandershem", tha deputeti demokrat Genc Pollo.

Ai e quan një akt të paligjshem pasi "Ligji konsensual për Median Audiovizive parashikon shprehimisht e qëllimisht përfshirjen funksionale si të mazhorancës edhe të opozites në proceduren e përzgjedhjes. Vetem keshtu mund te realizohet fryma e germa e ligjit për të pasur një regullator te pavarur e të paanshem. Mazhoranca e qeverise e bllokoi nga shtatori 2013 plotësimin pasi donte fillimisht të kapte institucionin permes zëvendësimit të kryetari te AMA-s, edhe këtë të kundraligjshëm."

"Me aktin e sotëm dueti Rama-Meta goditi jo vetëm rregullatorin e medias, për ti hapur rrugë favoreve te klienteve mediatike por edhe shkeli rekomandimet e qarta e konkrete të OSBE e të BE-së të theksuara edhe në progress-raportin e KE të paraqitur dje", tha Pollo.


(13:23) Kuvendi i Shqipërisë miratoi vendimin për zgjedhjen e dy anëtarëve të rinj të Autoritetit të Medias Audiovizive (AMA), propozuar nga maxhoranca, Gledis Gjipali dhe Pirro Misha. Kandidatura e Gjipalit u miratua me 73 vota pro dhe 2 abstenime, ndërsa kandidati Misha u zgjodh me 71 vota pro, 2 vota kundër dhe 2 abstenime.


TIRANE - Gledis Gjepali dhe Pirro Misha janë kandidatët e propozuar nga Komisioni i medias për anëtarë të AMAs (Autoriteti i Mediave Audiovizive). Kandidaturat u miratuan dje pa praninë e opozitës dhe sot Parlamenti pritet t'i japë OK. Kreu i komisionit të medias Alfred Peza tha dje se opozita ishte treguar jo bashkëpunuese me mazhorancën në këtë proçes. Komisioni skualifikoi dhe gazetarin Alfred Lela nga lista me 15 kandidatë. Vetëm në javën e fundit shumica përjashtoi dhjetë kandidatët të kishin aplikuar për anëtarë të AMAs. Nga lista e dymbëdhjetë emrave që janë në garë, demokratët mund të zgjedhin kandidatin e vet. Pas anëtarëve, Komisioni i Medias do të zgjedhë kandidatët për kryetarin e AMAs. Për vendin e kreut i prezantohen parlametit, Gentian Skenderi, Zylyftar Bregu, Gentian Sala, Zaif Goraana, En Muçi, Anila Basha, Bers Hado.

HermesNews - ©2014

Dërgo me email | Stampo artikullin