08/10/2014 17:13:09

KE publikon raportin

Ulen tensionet, por jo aq sa puna të vijojë normalisht mes krahëve politike

TIRANË - Komisioni Europian kërkon bashkëpunim më të madh mes mazhorancës dhe opozitës, madje në të mirë të reformave kërkon rikthimin e opozitës në Parlament. KE ka publikur sot progres raportin për Shqipërinë dhe vendet e tjera të Ballkanit Perëndimor. Raporti flet për një klimë të tensionuar politike që cënoi "punën parlamentare" dhe "shkakton" mungesën e opozitës dhe bojkotin e saj që prej korrikut nga puna parlamentare. Reforma në administratën publike ka ecur përpara, me ligjin mbi shërbimin civil dhe miratimin e akteve nënligjore dhe të hapave të marrë për përmirësimin e procedurave të rekrutimit. Shqipëria duhet të marrë masa për forcimin e kuadrit ligjor dhe miratimin e strategjisë dhe planet e veprimit kundër korrupsionit 2014-2020. Por, për këtë duhet bashkëpunim. Një koordinim më i mirë ndërinstitucional do të shmang pengesat ekzituese ndaj hetimeve mjaft të rëndësishme. "Shqipëria duhet të zhvillojë më tej gjurmët e provave për hetimet, ndjekjet dhe dënimet për rastet e korrupsionit, sidomos ato të nivelit të lartë", thuhet në raportin e KE-së. Raporti në gjuhën angleze

HermesNews - ©2014

Dërgo me email | Stampo artikullin