08/10/2014 09:48:09

Sot raporti BE për Shqipërinë

Per Shqiperine nuk do te kete surpriza. Lufta kunder krimit dhe korrupsionit dhe forcimi i shtetit te se drejtes do te vijojne te mbeten sfida kryesore

TIRANË - Raporti i progresit për vendet e Ballkanit publikohet sot. Në rekomandimet për Shqipërinë, Komisioni e vë sërish theksin tek çështjet që lidhen me shtetin e së drejtës, luftën kundër krimit të organizuar dhe korrupsionit dhe nevojën e një reforme tërësore të sistemit gjyqësor, në konsultim të ngushtë me Komisionin e Venecias. Komisioni kërkon debat politik, së pari në Parlament. Raporti i KEsë nuk parashikon ndonjë surprizë për Shqipërinë, e cila vetëm pak muaj më parë në qershor mori statusin e vendit kandidat për në BE. Në një prej rekomandimeve për Shqipërinë shkruhet se, "ka ende shumë mangësi, veçanërisht në fushën e shtetit të së drejtës. Përpara ka shumë punë për t’u bërë. Lufta kundër korrupsionit dhe krimit të organizuar janë sfida domethënëse". Mes rekomandimeve flitet me tone kritike lidhur me lirinë e shprehjes dhe të mediave.

HermesNews - ©2014

Dërgo me email | Stampo artikullin