08/10/2014 09:19:38

Veliaj në Washington: më shumë informacion për qytetarët

Të rinjtë duhet të përfshihen sa më shumë në qeverisje; vetëm kështu do të kenë mundësinë që të ndryshojnë axhendën e politikës

TIRANE - Në Washington ka filluar samiti global i rinisë, ku po flitet për nevojën e një qeverisjeje të hapur dhe të përgjegjshme dhe rritje të përfaqësimit të të rinjve në proçeset e qeverisjes. Në diskutimin hapës me të rinj nga vende të ndryshme të botës, Veliaj vuri në dukje disa nga reformat e ministrisë së tij. "Detyra e politikës është që të votohet nga populli. Sa më transparent të jesh, aq më shumë mbështetje do të marrësh", tha Veliaj. Të rinjtë duhet të përfshihen sa më shumë në qeverisje sepse vetëm kështu do të kenë mundësinë që të ndryshojnë axhendën e politikës. Qytetarët duhet ta trajtojnë qeverinë si shtëpinë e tyre të përbashkët, ndërsa qeveria nuk duhet të ketë frikë nga transparenca për publikun, u tha ne samit. Ky është viti i dytë që Banka Botërore, dhe Zyra e të Ngarkuarit me Punë për Rininë të Sekretarit të Përgjithshëm të Kombeve të Bashkuara, organizon Samitin e Rinisë, i cili u ndoq nga afër edhe Presidenti i Bankës Botërore, Jim Yong Kim.

HermesNews - ©2014

Dërgo me email | Stampo artikullin