07/10/2014 15:32:53

Të mërkurën eklips i plotë lunar

Të mërkurën në mëngjes, nëse qielli është i kthjellët, amerikanët veriorë do të kenë pamjen më të mirë për të parë eklipsin e plotë lunar

TIRANË - Nëse nuk e keni parë eklipsin e plotë të hënës të muajit prill, tani e keni mundësinë ta shikoni të mërkurën në mëngjes, në 8 tetor. Por, për ta parë eklipsin duhet të zgjoheni herët. Të mërkurën në mëngjes, nëse qielli është i kthjellët, amerikanët veriorë do të kenë pamjen më të mirë për të parë eklipsin e plotë lunar apo hënor, veçanërisht perëndimi. Eklipsi do të zgjasë një orë deri sa të lind dielli në bregdetin lindorë. Kjo mund të shihet nga Australia, dhe një pjesë e madhe e Azisë. Vetëm Europa, Afrika dhe pjesa lindore e Brazilit nuk mund ta shohin atë. Hëna do të shfaqet e portokalltë ose e kuqe, si rezultat i rrezeve të diellit të shpërndara në atmosferën e Tokës. Për këtë arsye quhet “hëna e përgjakshme”. Ky do të jetë eklipsi i dytë hënorë i plotë brenda një viti.

HermesNews - ©2014

Dërgo me email | Stampo artikullin