06/10/2014 14:04:40

Presidenti thërret tre pushtetet për reformën në drejtësi

''Prania e tre pushteve, do të thotë se kjo reformë do të ketë të gjithë përkushtimin, vëmendjen dhe mbështetjen që ajo meriton''

TIRANË - Presidenti i Republikës, Bujar Nishani dhe Ministri i Drejtësisë Nasip Naço, mblodhën në një tryezë aktorët kryesorë politik në vend si dhe trupën gjyqësorë, për reformën në drejtësi. Në tryezë, janë të pranishëm Kryeministri Edi Rama, Kryetari i Kuvendit Ilir Meta dhe kryetari i PDsë Lulzim Basha. Shtetet e Bashkuara të Amerikës, Bashkimi Europian dhe Këshilli i Europës nëpërmjet Komisionit të Venecias, do të monitorojnë çdo hap të reformës në drejtësi. Kreu i Shtetit, tha se reforma në drejtësi duhet orientuar drejt parimeve europiane për një gjyqësor të paanshëm. "Prania e tre pushteve, do të thotë se kjo reformë do të ketë të gjithë përkushtimin, vëmendjen dhe mbështetjen që ajo meriton", u shpreh ai. "Në rrugëtimin tonë kemi mësuar që çdo institucion, çdo qytetar dëshiron që të shijojë frytet e reformës, e cila synon të hedhë shtyllat kryesore mbi të cilat do ngjizet reforma në drejtësi. Nisur nga ky qëllim ftoj të pranishmit të përvetësojnë kritikat e agjencive ndërkombëtare, t’i shfrytëzojmë si pikënisje se ku duhet të bazohet reforma në gjyqësor. Këtë tryezë, të mos e shikoni si aktivitet protokollar që ul kreun e shtetit, hap konkret në një misin madhor", tha ai.

HermesNews ©2014

Dërgo me email | Stampo artikullin