03/10/2014 15:49:57

Bushati takon minoritetet

Dialog me shoqatat e pakicave

TIRANË - Ministri Bushati zhvilloi sot një takim me përfaqësuesit e Komitetit Shtetëror të Minoriteteve dhe me përfaqësues të shoqatave të minoriteteve të vendit tonë. Ky takim, i cili kishte si qëllim forcimin e dialogut me shoqatat e pakicave, u zhvillua në kuadër të informimit dhe transparencës për rekomandimet e Këshillit të Evropës, mbi gjendjen e pakicave në vendin tonë. Në takim u shpërnda Opinioni i Komitetit Këshillues të Konventës Kuadër “Për mbrojtjen e pakicave” dhe rezoluta e KiE-së, përkthyer në gjuhët e pakicave. Takimi në fjalë i shërben krijimit të një klime të përshtatshme për mirëkuptim ndëretnik gjithnjë e më të mirë në vendin tonë dhe për realizimin e objektivave për mbrojtjen e të drejtave të pakicave, në përputhje me angazhimet ndërkombëtare.

HermesNews ©2014

Dërgo me email | Stampo artikullin