03/10/2014 15:25:21

Larg duart nga Kobana

''Ne nuk dëshirojmë që Kobana të pushtohet nga ISIS. Ne u kemi shtrirë dorën vëllezërve tanë të Kobanës''

STAMBOLL - Turqia do të pengojë xhihadistët e grupit të Shtetit Islamik të marrin kontrollin e qytetit kufitar sirian kurd të Kobanes (Ain al-Arab). Lajmi u dha nga Kryeministri turk, Ahmet Davutoglu. "Ne nuk dëshirojmë që Kobana të pushtohet nga ISIS. Ne u kemi shtrirë dorën vëllezërve tanë të Kobanës", deklaroi Davutoglu në një intervistë të dhënë për stacinin televiziv ”A Haber-ATV”, publikuar dje në mbrëmje. "Ne do të bëjmë gjithçka që mundemi që Kobana të mos bjerë në duart e ISIS-it", theksoi ai. Parlamenti turk votoi dje në mbrëmje me shumicë votash një projektrezolutë të qeverisë islamo-konservatore të Ankarasë që autorizon ushtrinë e saj të ndërhyjë në Irak dhe në Siri kundër ISIS.

HermesNews ©2014

Dërgo me email | Stampo artikullin