03/10/2014 15:03:41

Ambasada Gjermane përgënjështron

Thomas de Maizière: ''Unë kam biseduar me Ministrin e Brendshëm...Ai është i ri në detyrë dhe tejet i angazhuar në luftën kundër krimit të organizuar. Kjo është diçka e vështirë duke konsideruar faktin, që krimi i organizuar kishte depërtuar ndërkohë deri në strukturat e aparatit shtetëror''

TIRANË - Ambasada gjermane përgënjeshtroi raportimet që disa media i kanë bërë deklaratave gjatë konferencës për shtyp të Ministrit të Brendshëm Federal të Gjermanisë, Thomas de Maizière, rreth gjendjes së krimit të organizuar. Në një deklaratë për shtyp ajo saktësoi se raportimet e mediave për lidhjen e krimit me strukturat shtetërore kanë qenë objektivisht të pasakta. Nisur prej raportimeve objektivisht të pasakta të disa mediave rreth konferencës për shtyp të Ministrit të Brendshëm Federal të Gjermanisë, z. Thomas de Maizière, mbajtur më 1.10.2014 rreth gjendjes së krimit të organizuar në nivel federate për vitin 2013..."Unë kam biseduar me Ministrin e Brendshëm së bashku me kolegun tim francez. Ai është i ri në detyrë dhe tejet i angazhuar në luftën kundër krimit të organizuar. Kjo është diçka e vështirë duke konsideruar faktin, që krimi i organizuar kishte depërtuar ndërkohë deri në strukturat e aparatit shtetëror, dhe kërkon – e këtë e them mjaft seriozisht – kurajo personale nga ata që qeverisin", shkruan ambasada në deklaratë.

HermesNews ©2014

Dërgo me email | Stampo artikullin