03/10/2014 08:41:47

Shefi i ekzekutivit të Hong Kongut fton për dialog

Leung Chun-ying fton për dialog protestuesit

HONG KONG - Shefi i ekzekutivit të Hong Kongut, që iu kërkua nga manifestuesit pro demokracisë që të dorëhiqet, nuk pranoi të kryejë këtë veprim, por i ofroi manifestuesve mundësinë e një dialogu mes palëve. "Nuk do të jap dorëheqjen pasi duhet të vazhdoj të punoj mbi reformën elekotrale", deklaroi ai gjatë një konference për shtyp disa minuta pasi kishte mbaruar ultimatumi i vënë nga manifestuesit për dorëheqjen e tij. I njohur në Hong Kong thjesht me inicialet C.Y, Leung Chun-ying megjithatë shpalli atë që duket si një koçesion me kuptim, duke ftuar për dialog Federatën e Studentëve të Hong Kongut, kryesuese e kontestimit, ftesë që deri tani është refuzuar. Kjo krizë filloi në gusht, kur Komiteti i Përhershëm i Asamblesë Kombëtare Popullore Kineze (parlamenti) shpalli se shefi i ekzekutivit të Hong Kongut do të zgjidhej me votim popullor në vitin 2017 por kandidatët në këto zgjedhje do të mbeten nën kontrollin e Pekinit.

HermesNews - ©2014

Dërgo me email | Stampo artikullin