02/10/2014 19:30:41

Telekom Italia Sparkle takim në Tiranë

Qëllimi i vizitës së drejtuesve të kompanisë italiane ishte njohja me potencialet e vendit tonë me qëllim investimin në fushën e teknologjisë

TIRANE - Në kuadër të takimeve të shpeshta dhe nismave për prezantimin e shqipërisë dhe munësive reale që ajo ofron për investitorët vendas dhe të huaj, Kryetari i Grupit të Deputetëve për mbështetjen e investimeve italiane në Shqipëri Artan Gaçi zhvilloi një takim në ambjentet e Kryesisë së Kuvendit me drejtues të kompanisë “Telekom Italia Sparkle”. Qëllimi i vizitës së drejtuesve të kompanisë italiane ishte njohja me potencialet e vendit tonë me qëllim investimin në fushën e teknologjisë, IT etj. Gjatë takimit deputeti Artan Gaçi i njohu drejtuesit e kompanisë italiane me përmiresimin e klimës së biznesit në Shqipëri, lehtesimin e investitorëve nga taksat dhe procedurat burokratike. Gjithashtu zoti Gaçi duke folur konkretisht për mundësitë e bashkëpunimit dhe investimit në vendin tonë të kapitalit italian nënvizoi faktin se Qeveria dhe Grupi i deputeteve që ai kryeson po bëjnë një punë të madhe sa i përket ndryshimit të imazhit të Shqipërisë në shtetin fqinj, Itali, imazh që sipas deputetit Gaçi po ndryshon nga dita në ditë.

HermesNews - ©2014

Dërgo me email | Stampo artikullin