02/10/2014 18:59:15

Prezantohet ambasadorja e BEsë Romana Vlahutin

Meta rikonfirmoi vullnetin e plotë të Kuvendit për forcimin e bashkëpunimit me të gjitha strukturat e BE në funksion të përshpejtimit të procesit të integrimit europian të shqipërisë

TIRANE - Kryetari i Kuvendit, Ilir Meta priti sot Ambasadoren e re të Bashkimit Europian në Shqipëri Romana Vlahutin. Meta e uroi Ambasadoren Vlahutin për marrjen e detyrës së re në drejtim të Prezencës së Bashkimit Europian në Shqipëri. Gjatë takimit, Meta rikonfirmoi vullnetin e plotë të Kuvendit për forcimin e bashkëpunimit me të gjitha strukturat e BE në funksion të përshpejtimit të procesit të integrimit europian të Shqipërisë. Kryetari i Kuvendit Meta u shpreh se marrja e statusit të vendit kandidat për në BE ia shton përgjegjësitë Shqipërisë dhe të gjithë klasës së saj politike, duke theksuar se reformat kyçe në kuadër të axhendës europiane të Shqipërisë kërkojnë pjekuri politike, gjithëpërfshirje dhe një klimë më konsensuale.

HermesNews - ©2014

Dërgo me email | Stampo artikullin