30/09/2014 16:42:41

Ristani sqaron incidentin me Ramën

Deputeti Ristani sqaron publikisht debatin e djeshëm me Kryeministrin Rama

TIRANE - Deputeti demokrat Arben Ristani akuzoi sot kryeministrin Rama se, "e ktheu takimin e djeshëm në një bisedë të nivelit shumë të ulët." "Meqënëse Edi Rama është dhe kontrollor i shumë mediave, po dal sot para jush për të sqaruar cfarë ndodhi konkretisht. Unë po i adresoja komisionerit Fyle shqetësimet e opozitës në lidhje me kapjen e institucioneve dhe gjëndjen e rëndë të demokracisë në vend. Teksa unë flisja, Edi Rama kthehet pas shpinës time dhe më sulmon me një fjalor të padenjë për secilin qytetar të vendit, sigurisht krejt të padenjë për një kryeministër. Etika nuk na lejon që të riprodhoj këtu shpërthimin banal të Edi Ramës", tha Ristani. Ristani e akuzoi ramen se me qëndrimi i tij është moskonsiderues ndaj opozitës. "Shkelja e cdo konsensusi, prishja e bashkëjetesës politike, dhe goditja edhe fizike e përfaqësuesve të Partisë Demokratike", tha ai.

HermesNews - ©2014

Dërgo me email | Stampo artikullin