25/09/2014 12:05:23

Qeveria prishi kontratat dhe koncesionet

Kreu i opozitës kërkon transparencë. Ai shpreh shqetësimin për manipulimin e statistikave

TIRANE - Kryetari i Partisë Demokratike, Lulzim Basha priti përfaqësuesit e Bankës Botërore. Në takim u prezantua puna e institucionit dhe këndvështrimeve të opozitës mbi ekonominë. Basha foli për veprime antiligjore nga ana e qeverise, si prishja e kontratave dhe koncesioneve, prishja e ndërtimeve me leje, mosrespektimi i vendimeve të gjykatave. Kjo sipas tij ka thelluar pasigurinë ligjore dhe përkeqësuar gjendjen në të gjithë sektorët e ekonomisë. "Ka vetëm propagande dhe show mediatik, por asnjë plan konkret në mbështetje të zhvillimit. Biznesi dhe punëkërkuesit përballen me indiferencën dhe arbitraritetin e qeverisë çdo ditë", tha ai. Kryetari i Partisë Demokratike shtroi rëndësinë e transparencës duke shprehur shqetësimin për manipulimin e statistikave nga që publikohen. “Ju inkurajojme maksimalisht qe ti tregoni shqiptareve gjithnjë të vërteten, sfidat dhe rreziqet me të cilat ata përballen”, theksoi kryetari i Partisë Demokratike.

HermesNews - ©2014

Dërgo me email | Stampo artikullin