25/09/2014 11:44:18

Interpoli ekstradon dy të rinj drejt tiranës

Sokol Sejda dhe Defrim Prekaj u ekstraduan nga Barcelona dhe Frankfurti. Akuza për fallsifime dhe vrasje e mbetur në tentativë

TIRANE - Interpol Tirana ekstradon nga Spanja dhe Gjermania dy shqiptarë në kërkim ndërkombëtarë. Bëhet fjalë për 32 vjeçarin Sokol Sejda, nga Elbasani, në kërkim për "vrasjes me paramendim të mbetur në tentativë". I riu, në një lokal në Elbasan, ka kanosur me një armë zjarri pistoletë dhe më pas ka plagosur me thikë shtetasin Albert A. Sejda është arrestuar në Barcelonë, në Prill të këtij viti. Ndërsa nga Frankfurti, Gjermani, u ekstradua drejt vendit tonë dhe Dëfrim Prekaj, vjeç 26, nga Peja, Kosovë. I riu është dënuar me 2 vjet burg për falsifikimim të letërnjoftimeve, pasaportave ose vizave. Prekaj, më dt 25 Prill të tre viteve më parë, shkoi pranë zyrave të gjëndjes civile për të bërë pasaportë biometrike dhe ka deklaruar emrin Bruno K.. Pas krahasimit të gjurmëve të gishtave ka rezultuar se deklarimi ishte i rrëmë. I riu u arrestua në Frankfurt.

HermesNews - ©2014

Dërgo me email | Stampo artikullin