24/09/2014 14:50:46

Sekuestrohen 17milionë Euro fallso

Rome, financa italiane njofton se ka sekuestruar 17 milionë Euro në jug të vendit

ROMË - Policia financiare italiane njoftoi sot kapjen në Marcianise, në jug të vendit, të 17 milionë euro falso të një cilësie të lartë dhe arrestimin e një personi pa precedente penale, sipas komunikatës. Policët filluan të dyshojnë për shkak të sjelljes së këtij personi në një zonë parkimi shumë pak të frekuentuar të një qendre tregtare në Marcianise, një qytezë rreth 40 kilometra në veri të Napolit. “Burri me një sjellje të dyshimtë transferonte vazhdimisht kartona nga një mjet i një kompanie transportesh në makinën e tij, duke tërhequr vëmendjen e policëve”, thuhet në komunikatë. “Kartmonedhat e gjetura kishin një cilësi të jashtzakonshme duke iu afruar shumë origjinalit dhe ai mund të gënjente lehtësisht shumicën e konsumatorëve për shkak të imitimit të mirë të filigranës, të vizës së sigurisë dhe të hologramës”, sipas të njëjtit burim. Qyteti i Napolit dhe rrethinat e tij, përfaqësojnë bazën kryesore të të gjitha falsifikimeve në Itali, nga kartomnedhave falso tek veshjet, këpucët dhe aksesorët.

HermesNews - ©2014

Dërgo me email | Stampo artikullin