23/09/2014 14:48:03

Ulet çmimi i naftës

E njëjta situatë u vu re dhe një vit më parë, faji ju vesh si ''qyrk'' situatës monopoli në tregun e shumicës dhe pakicës

TIRANE - Nafta në tregun vendas vijon të shitet prej shumë muajsh me 188 Lek/litër, pa reflektuar cmimin në rënie të naftës në Bursë, ku një fuçi naftë po shitet me 92 usd dhe për pasojë, edhe çmimi i kërburanteve. Në tregun ndërkombëtar çmimi i naftës ka rënë me 10 usd/fuçi që nga muaji gusht, Shqipëria vijon të mbajë një nivel çmimi më të lartë nga gjithë vendet në Ballkan. E njëjta situatë u vu re dhe një vit më parë, faji ju vesh si “qyrk” situatës monopoli në tregun e shumicës dhe pakicës, ndërsa Autoriteti i Konkurrencës nuk mori masat e duhura. Sivjet justifikimi po lidhet me taksimin e vazhdueshëm të hidrokarbureve, me qëllim rritjen e cilësisë, çka gjithsesi, si “nën rrogoz” po mbështet përsëri grosistët në treg, ndërsa taksimi sistematik po kompromenton raportin cilësi-cmim.
Në revistën “Fuel prices Europe” ku jepen çmimet e naftës në gjithë vendet e Europës dhe disa vende në botë, vërehet se Bosnja, Kosova Maqedonia dhe Mali i Zi kanë nivel çmimi më të ulët se 1.2 euro. Për vitin 2013 sipas tatimeve, kompania e karburanteve, “Kastrati” u rendit si operatori kryesor në tregtimin e karburanteve, me një xhiro vjetore 457 milionë euro, ndërsa kompania “Europetrol Durrës Albania” një xhiro prej 161.2 milionë euro, duke u rreshtuar në listën me 10 kompanitë më të pasura në Shqipëri.

HermesNews - ©2014

Dërgo me email | Stampo artikullin