23/09/2014 12:34:04

Shkëmbimet me kinën arrijë në 7,1%

Sipas të dhënave ndër vite në tregtinë e jashtme nga INSTAT, këmbimet me Kinën tregojnë se tregu kinez, që po zgjerohet dukshëm në plan global

TIRANE - Shkëmbimi tregtar me Kinën vitet e fundit ka arritur peshë të konsiduerueshme duke zënë 7,1 % për importet dhe deri në 5% për eksportet, edhe pse partneri kryesor tregtar i Shqipërisë ngelet tregu i Eurozonës, me 68,7% të gjithë tregtisë. Sipas të dhënave ndër vite në tregtinë e jashtme nga INSTAT, këmbimet me Kinën tregojnë se tregu kinez, që po zgjerohet dukshëm në plan global, nuk e ka anashkaluar Shqipërinë. Vjet volumi total i këmbimeve tregtare me Kinën arriti në 46.5 miliardë lekë, mbi dy herë më shumë nga viti 2006, duke treguar tendencën drejt rritjes së tyre, ku eksportet drejt tregut kinez arritën vlerën 11.5 miliardë lekë, një rritje mbi 10 herë, krahasuar me vitin 2006, ku kryesojnë në rreth 98% mineralet dhe fasonet. Edhe këtë vit janë rritur ndjeshëm importet, që arritën në 6 mujorin e parë në vlerën 20.922 milionë lekë;nga 18.315 milionë lekë që ishin një vit më parë në të njëjtën periudhë. Importet kineze drejt tregut shqiptar janë në shumë grupmallrash, por kryeson “Makineri e pajisje”, me 34% të totalit, “Materiale ndërtimi e metale”, me 22% dhe “Tekstile e këpucë”, me 19%. Zhvillimi i marrëdhënieve tregtare mes dy vendeve po ndiqet me kujdes nga sektori financiar, që synon të ofrojë shërbime dhe produkte në funksion të këtyre marrëdhënieve.

HermesNews - ©2014

Dërgo me email | Stampo artikullin