23/09/2014 10:04:51

Deputetët e rinj të PSsë

Komisioni qëndror i zgjedhjeve zgjedh emrat nga lista që do t'i zëvendësojnë

(16:45) Komisioni Qendror i Zgjedhjeve miratoi mandatin e katër deputetëve të rinj të Partisë Socialiste për plotësimin e vendeve bosh, pas dorëzimit të mandateve të deputetit nga ana e 4 ministrave. Erjeta Alhysa, Luljeta Arapi, Anila Agalliu dhe Ervin Bushati, janë katër socialistët që morën sot mandatin e deputetit.


TIRANË - Sot do të zgjidhen emrat nga lista e Partisë Socialiste. Ata zëvendësojnë ministrat që lanë mandatin e deputetit, duke respektuar vendimin e qeverisë që anëtarët e Këshillit të Ministrave të mos jenë deputetë. Komisioni Qendror i Zgjedhjeve njoftoi se do të mblidhet sot rreth orës 11:00, për të përcaktuar katër deputetët e rinj të Partisë Socialiste. Bëhet fjalë për Ministrin e Brendshëm Saimir Tahiri, atë të Punëve të Jashtme, Ditmir Bushati , Ministrin e Energjetikës, Damian Gjiknuri dhe ministren për Marrëdhëniet me Kuvendin, Ermonela Felaj, të cilët dorëzuan katër ditë më parë mandatin e deputetit.

HermesNews - ©2014

Dërgo me email | Stampo artikullin