22/09/2014 18:46:19

Në kërkim për një të ardhme

Elvira Gega punon si pastruese dhe jo si recepsioniste, në një rezidencë. Ajo ka probleme me shtyllën kurrizore, por nuk mund t'ia lejojë vetes të pushojë as dhe një ditë

SARANDE - Kur kamerat para saj u fikën, Elvira (intervista) mbijetonte me një asistence prej 3000 lekë, një pension prej 8000 lekë dhe me një qera për t'u paguar 10 mijë lekë në muaj. Pasi pronarët ku punonte në fillim e larguan, aktualisht punon në një rezidencë, si pastruese. E përditshmja e saj fillon dhe mbaron me punën, por për të gjithçka vështirësohet në ditët kur kalon krizat e shtyllës kurrizore, ditë për të cilat mjeku i rekomandon të rrijë në shtrat. Aktualisht tefonatat kanë pushuar. Njerëz që interesohen për të nuk ka më. Policinë nuk e ka marrë në telefon, sepse nuk ka patur ndonjë shqetësim nga askush. Prokuroria ka kërkuar të marrë në pyetje të bijen, por ajo nuk ka pranuar. E kontaktuar nga HermesNews, ajo thotë se aktualisht po punon. Ajo nuk ankohet dhe pse nuk është e siguruar ende në punë. Duhet t'i paguajë ajo sigurimet, çfarë do të thotë se rroga që do të marrë do të jetë më e ulët. Gruaja që pati kurajon të denoncojë ngacmuesin e saj, duket se ka hyrë në rrjedhën normale të jetës, brenda një të përditshmeje mes indiferencës dhe pasigurisë.

Doriana Metollari

Dërgo me email | Stampo artikullin