22/09/2014 15:59:25

Padi në kushtetutese kryeministrit

Ligji për funksionimin e gjykatave administrative është tërësisht antikushtetues

TIRANE - "Dorëzuam sot në Gjykatën Kushtetuese tre padi ndaj Kryeministrit të vendit për tre ligjet e paketës së drejtësisë", tha deputeti Eduart Halimi para gazetareve. Për Ligjin e Këshillit të Lartë të Drejtësisë, për ligjin për disa ndryshime në ligjin për funksionimin e Gjykatave Administrative dhe për ligjin për disa ndryshime në ligjin për Shkollën e Magjistraturës.

Të tre këto ligj, janë ligje të cilat kanë një përmbajtje të thellë antikushtetuese, sipas demokratëve, dhe prekin parimet e ndarjes së pushteteve, prekin parimin e funskionimit të shtetit ligjor dhe kanë për synim kapjen politike të sistemit të drejtësisë.

Ligji për Këshillin e Lartë të Drejtësisë synon hapur kapjen politike të sistemit të drejtësisë së pari duke ndryshuar anëtarët e KLD pa shkak dhe pa përfunduar mandatin e tyre kushtetues.

Së dyti duke i kërkuar Presidentit që të zgjedhë nënkryetaren e KLD nga lista e Kryeministrit, merr kompetencën presidenciale dhe duke e uzurpuar këtë kompetencë nga Kryeministri i vendit, dhe së treti me një akt të paprecedentë në një shtet ligjor dhe së drejtës urdhërohet pezullimi automatik i gjyqtarëve të vendit sapo ndaj tyre të regjistrohet një kallëzim penal.

Ligji për disa ndryshime dhe ligji për funksionimin e gjykatave administrative është një ligj tërësisht antikushtetues pasi vendosen kompetenca kryeministrore për të emëruar ndihmësit ligjor të gjyqtarëve të Gjykatës Administrative, përfundon Halimi në daljen e tij publike.

HermesNews - ©2014

Dërgo me email | Stampo artikullin