20/09/2014 18:05:39

Pastroj vendin tim

Një grup të rinjsh të LRI pastruan rrugën Tiranë - Durrës

TIRANË - Nën moton “Ndihmoj vendin tim”, Lëvizja Rinore për Integrim zhvilloi sot aksionin për pastrimin e rrugës Tiranë-Durrës, nga mbikalimi i Rinasit deri në hyrje të kryeqytetit, aks në të cilën do të kalojë dhe Papa Francesku. Qindra të rinj anëtarë të Lëvizjes Rinore për Integrim dhe simpatizantë të LSI-së, kanë marrë pjesë në aksionin për pastrimin e ambientit duke kontribuar në rritjen e cilësisë së jetës për banorët e kësaj zone dhe në përmirësimin e imazhit të vendit. LSI pastrim jpgDuke e cilësuar si historike vizitën e Papa Françeskut nesër në Shqipëri, në një prononcim për mediat, Kryetari i Lëvizjes Rinore për Integrim, Endrit Braimllari ftoi të gjithë qytetarët që të kontribuojnë. Braimllari theksoi se vizita e Papa Franceskut simbolizon solidaritetin, paqen , harmoninë dhe bashkëpunimin. “Lëvizja Rinore për Integrim ka ardhur për të dhënë kontributin për pastrimin e këtij aksi rrugor duke filluar nga mbikalimi i Rinasit deri në hyrje të Tiranës. Dita e nesërme është një ditë historike për të gjithë ne, ndaj të gjithë shqiptarët duhet të japin kontributin e tyre.”, tha Endrit Braimllari.

HermesNews - ©2014

Dërgo me email | Stampo artikullin