18/09/2014 16:38:53

OSBE rrit personelin në Ukrainë

OSBE-ja synon të vendosë 500 monitorues në dy muaj e gjysëm

VJENË - Organizata për Siguri dhe Bashkëpunim në Evropë (OSBE) do të dyfishojë numrin e vëzhguesve në Ukrainë, duke e çuar këtë kontigjent në 500 persona, njoftoi sot shefi i OSBE-së në Ukrainë, Ertugrul Apakan. “OSBE-ja synon të vendosë 500 monitorues në dy muaj e gjysëm”, deklaroi ky përgjegjës duke theksuar gjat një konference për shtyp në Vjenë se bëhet fjalë për të pasur më shumë persona, më të lëvizshëm dhe më flaksibël për të ndihmuar në ruajtjen e armëpushimit dhe të mbikqyrin sigurinë e kufijëve në krahun ukrainas. Kjo vendosje e ardhshme hyn në kuadrin e mandatit të dhën për OSBE-në në fillim të vitit, që parashikon dërgimin e 500 vëzhguesve në Ukrainë. Organizata kishte filluar me një kontigjent me rreth 20 persona në mars dhe më pas e rriti këtë shifër në 250. “OSBE-ja parashikon për më tepër të dërgojë, brenda katër javësh, avionë pa pilotë për monitorimin e kufirit”, njoftoi Apakan. Këto masa hyjnë në kuadrin e një protokolli të nënshkruar më 5 shtator në Minsk mes Kievit dhe rebelëve prorusë, duke vendosur një armëpushim dhe separatistët morrën më shumë autonomi për rajonet rusofone në lindje të Ukrainës.

HermesNews - ©2014

Dërgo me email | Stampo artikullin