17/09/2014 15:30:03

Energjia, sfida e së ardhmes

Panair me kompani projektuese, ndërtuese, prodhuese, tregtuese dhe financuese të sektorit energjetik

TIRANE - Mundësitë që ka Shqipëria për zhvillimin e sektorit energjetik, shkëmbimi i eksperiencave mes bizneseve shqiptare dhe të huaja nga rajoni dhe më gjerë, operues të fushës, do të mblidhen në panair energjie në Nëntor, në Tiranë. Panairi “Energjia, sfida e së ardhmes”, organizohet nga Qëndra e panaireve “Tirana Expo Centre” në bashkëpunim me ministrinë e Energjisë dhe Industrisë në datat 7-9 Nëntor, njoftuan sot burime të saj. Pritet të marrin pjesë kompani projektuese, ndërtuese, prodhuese, tregtuese dhe financuese të sektorit energjetik, të cilët punojnë në fushat e energjive të rinovueshme, asaj ujore, Bio-masës, efiçencës së energjisë, sistemi financiar, etj. Gjatë tre ditëve të këtij Panairi, do të ketë konferenca, seminarë dhe takime B2B, ku ekspertë të fushës të ndajnë eksperiencat, mendimet mbi zhvillimet dhe sfidat e sektorit energjetik, eksperiencat mes aktorëve vendas dhe të huaj, që punojnë në Shqipëri, negocime marrëveshjesh dhe kontratash mes partnerëve, etj.

HermesNews - ©2014

Dërgo me email | Stampo artikullin