15/09/2014 14:55:13

Arvizu tek Meta për financat

Ruani stabilitetin financiar. Politika të qëndrojë jashtë drejtësisë

TIRANË - Ambasadori amerikan në Tiranë, Aleksandër Arvizu u takua me kryetarin e Kuvendit, Ilir Meta, me të cilin diskutoi rreth zhvillimeve në Bankën e Shqipërisë. Pas takimit ambasadori tha për mediat se se në këto momente vëmendja duhet të përqëndrohet tek stabiliteti financiar i vendit, ndërsa theksoi se hetimet rreth çështjes duhet të vazhdojnë dhe se çdo gjë duhet të mbetet larg politikës. "Jam pak i shqetësuar sepse njerëzit kanë ankth. Kjo çështje duhet të vijojë të hetohet nga organet kompetente", u shpreh Arvizu. Diplomati amerikan theksoi se integriteti i pavarësisë së gjyqësorit është zgjidhja më e mirë në këtë rast, në një kohë kur hetimet për vjedhjen e Bankës së Shqipërisë vazhdojnë. Sa i përket takimit me kryeparlamentarin, Arvizu u shpreh se shkëmbeu me Metën pikëpamjet lidhur me ngjarjet e fundit që po ndodhin në Shqipëri. " Ka gjithnjë një linjë delikate mes gazetarisë objektive dhe komentit, por gjëja më e rëndësishme është sabiliteti financiar", tha Arvizu.

HermesNews - ©2014

Dërgo me email | Stampo artikullin