15/09/2014 13:52:40

Europa duhet të veprojë kundër Isis

Samiti në Paris. Hollande, duhet të luftojmë kundër terrorizmit

PARIS - Pas deklaratës së Obamas i cili i ka hapur luftë ekstremizmit në Irak, Europa është gati të ndjekë të njëjtën rrugë. "Nuk ka kohë për të humbur përballë kërcënimit xhihadist të ISIS-it, që ka marrë nën kontroll territore të gjëra irakiane dhe siriane, duke shtuar terrorin", tha presidenti francez Francois Hollande.

"Shteti islamik nuk është shtet dhe nuk përfaqëson islamin, është një lëvizje e rrezikshme ekstremiste", përforcoi ministri i jashtëm francez Laurent Fabius, në fund të samitit ndërkombëtar për paqen dhe sigurinë në Irak, që po mbahet në Paris.

Për të ruajtur stabilitetin e Sirisë, Franca thotë se duhet mbështetur me çdo kusht opozita siriane e cila sipas saj është në gjëndje të negociojë dhe të ruajë një stabilitet në rajon. Ministri i mbrojtjes franceze Jean-Yves Le Drian i cili ndodhet për vizitë në Arabinë Saudite deklaroi se Franca ka dërguar në Irak avionet e parë ushtarak në ndihmë të forcave irakene.

Ndërsa Europa flet rreth përpjekjeve të përbashkëta, Këshilli i Sigurimit të OKBsë dënon aktit barbar të vrasjes së një tjetër pengu britanik David Haines nga Isis.

HermesNews - ©2014

Dërgo me email | Stampo artikullin