11/09/2014 14:24:24

Kina në BE përmes Shqipërisë

Takime intensive me sipërmarrës kinezë dhe interes i shprehur qartë për vendin

TIRANE - Ministri i Ekonomisë, Tregtisë dhe Sipërmarrjes, Arben Ahmetaj, deklaroi të enjten se sipërmarësit kinezë e shohin me interes Shqipërinë për investime. “Takime intensive me sipërmarrës kinezë dhe interes i shprehur qartë për vendin. Shqipëria, një destinacion ekonomik atraktiv në dyert e BE”, shkruan Ahemtaj në rrjetin social ‘Facebook’. Një delegacion shqiptar, i kryesuar nga Kryeministri Edi Rama, po zhvillon një vizitë zyrtare treditore në Kinë. Kryeministri Rama shoqërohet nga Ministri i Zhvillimit Ekonomisë, Tregtisë dhe Sipërmarrjes, Arben Ahmetaj, Ministri i Energjisë dhe Industrisë, Damian Gjiknuri, si dhe Ministrja e Arsimit dhe Sportit, Lindita Nikolla. Rama, gjatë vizitës së tij në Kinë, u prit në një takim dypalësh nga Kryeministri kinez Li Keqiang. Kryeministri Rama falenderoi Kryeministrin kinez për mbështetjen që vendi i tij ka dhënë në zhvillimin e disa projekteve të rëndësishme, që kanë të bëjnë kryesisht me zhvillimin e infrastrukturës dhe bashkëpunimin në fushën e tregtisë dhe ekonomisë.

HermesNews - ©2014

Dërgo me email | Stampo artikullin