11/09/2014 09:50:28

Ja si do të zgjidhen hallet e BEsë

Premtime dhe kanierë ku do të punohet

BRUKSEL - Rritje ekonomike fjalë dite brenda dyerve të BEsë ku diskutohet për ekonominë dhe politikat e jashtme, kriza ukrainase, marëdhëniet me SHBAnë, energjinë, mjedisin dhe sidomos punësimin.

Jean Claude Juncker foli për një plan investimesh prej €300 miliardë që lufton papunësinë dhe nxit rritjen ekonomike. Ai ka krijuar një post zv.presidenti të Komisionit Europian që është i ngarkuar vetëm me drejtimin e këtij projekit.

Për arritjen e këtij plani ka shumë vështirësi, sikurse është debati mes atyre që mbështesin masat shtrënguese dhe atyre të rritjes ekonomike që kohët e fundit është acaruar së tepërmi, madje disa kanë frikë se një politikë pro rritjes ekonomike përkthehet me një zbutje të reformave për reduktimin e deficitit buxhetor.

Vendet si Franca dhe Italia nxisin për një zbutje të normave buxhetore. Nga ana tjetër Gjermania kërkon arritjen e një konsolidimi buxhetor. Në Bruksel insistohet më shumë në marrëveshjet tregtare, krijimin e tregut të brendshëm apo për zhvillimin e informatikës për të krijuar vende pune dhe për të rimëkëmbur ekonominë.

Ideja për të vendosur një rrogë minimale në çdo vend të BE-së, e kërkuar nga e majta, ka progresuar, kryesisht pasi kjo normë u pranua edhe nga Gjermania që qeveriset nga një kolaicion i gjerë mes konservatorëve dhe socilademokratëve. Edhe Juncker është pro kësaj lëvizjeje.

Konflikti në Ukrainë dhe kriza me Rusinë, kërcënimi xhihadist në Irak dhe Siri, me pasoja në Europë, tensione të vazhdueshme në Lindjen e Mesme. BE-ja duhet të gjejë tonet e duhura me Rusinë që të mund të bëj presion por pa shkaktuar një thyerje.

Në jug BEja synon të përforcojë bashkëpunimin me vendet që janë në origjinë të imigracionit, kryesisht Afrikën dhe Turqinë, për të bllokuar imigracionin e jashtligjshëm.

"BE-ja duhet të mbetet një grup prej 28 vendesh në pesë vitet në vijim", sipas Juncker-it.

Vështirësi të tjera vijnë nga brenda BE-së, me referendumin mbi pavarësinë e Skocisë dhe të Katalonjës. Kohezioni i 28 vendeve mund të vihet në provë të vështirë për shkak të divergjencave mbi mundësinë që një Skoci e pavarur të mund të hyjë në BE.

"Nuk ka Bashkim Europian pa Britaninë e Madhe", ky është mesazhi i presidentit të ardhshëm të Këshillit Europian, Donald Tusk. Nën presionin e fuqishëm të euroskeptikëve, kryeministri britanik David Cameron ka premtuar organizimin e një referendum në vitin 2017 për daljen nga BEja nëse do të rizgjidhet dhe që mund të sjellë një skenar katastrofik.

Për të mënjanuar thyerjen, institucionet europiane janë gati të bëjnë konçesione, duke bërë shkurtime në administratën gjigante, duke frenuar furinë rregullatore dhe duke i ofruar lëshime Londrës, që kërkon të ruajë sa më shumë pavarësi nga Brukseli.

Londra ka marrë postin e shërbimeve financiare në Komisionin e ri Europian dhe Juncker ka krijuar një post zv.presidenti të ngarkuar me përmirësimin e rregullores.

Projekti TTIP ose TAFTA, i filluar nga Komisioni Barroso, kristalizon frikën e opinionit publik përballë globalizimit, mungesë transparence dhe frika për imponim të OMGJ-ve apo të lopës së rritur me hormone.

Por debati tani zgjerohet në mundësinë e ndërhyrjes së kompanive të huaja në politikat publike, nëpërmjet proçedurave të arbitrazhit të ngjashme si ato në SHBA.

Mosmarrëveshjet mes dy blloqeve janë të shumta, duke ngadalësuar negociatat që ishin në pikë të vështirë pas skandalit të spiunazhit amerikan në fund të vitit 2013.

Si përfundim mundësitë për të përfunduar atë që do të ishte marrëveshja me e gjerë në botën e tregëtisë së lirë deri në fund të vitit 2015 janë shumë të pakta.

Zhvillimi i negociatave do të varen shumë nga komisioneri i ri europian i ngarkuar me Tregtinë.

Përdorimi i energjisë si armë politike nga Rusia i shtyn europianët të diversifikojnë dhe të garantojnë furnizimet. Të gjitha mundësitë janë në tavolinë, duke përfshirë edhe çështjet e gazit argjilor dhe të energjisë bërthamore.

Objektivi është të zvogëlohet varësia dhe fatura vjetore që arrin në €400 miliardë për blerjen e naftës, gazit dhe karbonit. Komuniteti Europian i Energjisë shihet si kantieri i 10 viteve të ardhshme.

Bashkë me objektivin e luftës kundër ngrohjes klimaterike duhet të arrihen objektiva ku hiqet dorë nga sovraniteti kombëtar mbi çështjet e energjisë, pasi deri tani kompetencat në këtë çështje ruhen me xhelozi nga shtetet.

HermesNews - ©2014

Dërgo me email | Stampo artikullin