07/09/2014 17:38:27

Plani amerikan kundër ISIS

Presidenti amerikan Barack Obama të mërkurën bën publike planin kundër ISIS

WASHINGTON - Presidenti amerikan, Barack Obama do të paraqesë të mërkurën planin e tij të veprimit kundër Shtetit Islamik (ISIS), që nuk përfshin dërgimin e trupave amerikane në terren. Plani nuk do të jetë njësoj me luftën në Irak. "Faza e ardhshme parashikon kalimin në sulm", deklaroi Obama. "Të martën do të takoj liderët e Kongresit dhe të mërkurën do të zhvilloj diskutime dhe do të bëj publike planin tonë të veprimit", theksoi ai për stacionin e lajmeve, NBC News. Shtetet e Bashkuara të Amerikës filluan që sot një seri sulmesh në Irak për të neutralizuar xhihadistët e ISIS-it, të cilët po përpiqen të marrin kontrollin e digës së Hadithas, shkruante gazeta Wall Street Journal online duke cituar burime ushtarake.

HermesNews - ©2014

Dërgo me email | Stampo artikullin