06/09/2014 09:58:51

KU SHKUAN PARATË ? GJUETI PËR THESARIN

Kjo është hera e parë në në botë që prangoset guvernatori i bankës gjatë ushtrimit të fuksioneve të tij

TIRANË - Mbrëmë guvernatori Fullani dhe Inspektorja e bankës Elivar Golemi kaluan natën e parë në burg. Gjykata e Tiranës vendosi masën "arrest me burg" dhe menjëherë më pas blutë shoqëruan të arrestuarit në qeli.

"Dy zyrtarët e BSH-së për shkak të mosveprimeve të tyre, kanë krijuar kushtet që të cënohet siguria e parave në administrim të BSH-së", tha këshilltarja e prokurorit të përgjithshëm Adriatik Llalla.

Ardian Fullani ka shkelur ligjin.

Ai nuk i ka propozuar Këshillit Mbikqyrës zv/guvernatorin e dytë të Bankës së Shqipërisë duke krijuar një boshllëk në përmbushjen e detyrimeve të këtij institucioni. Ky funksion i munguar duhet të trajtonte drejtpërdrejtë administrimin, mbikqyrjen e zbatimin e akteve proceduriale për përdormin e mjeteve financiare. Së dyti, në cilësinë e kryetarit të Këshillit Mbikqyrës nuk ka ushtruar kompetencat e tij për propozimin e nismave juridike për fuknksinomin e BSH-së si detyrim që buron nga vendimi i Këshillit Mbikqyrës nr .13 datë 22 .2.2006.

Me një fjalë në Bankën e Shqipërisë ka komanduar vetëm Fullani.

Me nisjen e funksionit të departamentit të Emisionit, ku ka ndodhur edhe vjedhja, Këshilli Mbikqyrës duhet të propozonte e miratonte rregulloret përkatëse për funksionimin e këtij departamenti. Nga hetimi ka rezultuar se këto rregullore nuk kanë ekzistuar për një kohë të gjatë, gjë e cila ka sjellë cënimin e parave. Së treti, në cilësinë e Drejtorit të Përgjithshëm Ekzekutiv të BSH nuk ka marrë masat e nevojshme ligjore për zbatimin e vendimeve e rregulloreve të Këshillit Mbikqyrës. Ndër to mund të përmendim, zbatimin e politikave të miratuara nga Këshilli Mbikqyrës për mbarëvajtjen e veprimtarisë së përgjithshme për administrimin e procedurave ekzekutive si dhe për qeverisjen e punëve administrative të veprimtarisë së BSH.

Guvernatori është i ngarkuar me mbarëvajtjen e veprimtarisë së përditshme të BSH-së, përgjegjësi të cilën nga analiza e hetimit në kuadër të procedimit penal rezulton se nuk e ka ushtruar. Së pesti, në kundërshtim me nenin 8 të rregullores mbi evidentimin, inventarizimin e vlerave materiale dhe monetare në BSH, Guvernatori me komisionet e ngritura për kryerjen e inventarizimit të detyrueshëm periodik të vlerave monetare, ka caktuar dy herë të njëjtin person. Ky person aktualisht është nën hetim për shpërdorim detyre në kuadër të këtij procedimi penal.

Në mënyrë të përmbledhur, nga hetimet e deritanishme, rezulton se Elivar Golemi, me funksion Inspektor i Përgjithshëm i Bankës së Shqipërisë, ka shkelur ligjin si më poshtë:

Nuk ka ushtruar auditim konform ligjit për Bankën e Shqipërisë dhe rregullores se departamentit të kontrollit, proces i cili është përgjegjësi e drejtëpërdrejtë e Inspektorit të Përgjithshëm.

Ka vepruar në kundërshtim me kuadrin ligjor përkatës, sa i takon ushtrimit kontroll kontabël të brendshëm, si edhe kontrolle të brendshme periodike për administrimin dhe operacionet e Bankës së Shqipërisë, me qëllim që të sigurojnë mbarëvajtjen e zbatimit të ligjeve dhe të akteve nënligjore në Bankën e Shqipërisë. Duke mos realizuar kontrolle periodike, nuk i ka dorëzuar Këshillit Mbikqyrës raporte e rekomandime për llogaritë dhe regjistrat, si dhe për procedurat buxhetore kontabël dhe kontrollet e Bankës së Shqipërisë.

Është përgjegjësi e drejtëpërdrejtë e Inspektorit të Përgjithshëm të Bankës së Shqipërisë që Departamenti i Kontrollit nuk ka ushtruar auditim finaciar periodik në Departamentin e Emisionit për vitet 2012, 2013 dhe 2014, pikërisht në vendin dhe gjatë periudhës kohore ku dyshohet se është kryer vjedhja.

Në bazë të komunikimit shkresor, në kuadër të këtij procedimi penal, rezulton se Inspektori i Përgjithshëm nuk i ka ushtruar funksionet e tij, pasi veç raportit të vitit 2011 dhe projekt-raportit të vitit 2014, nuk ka mbajtur asnjë raport apo audit në arkën për veprim dhe në arkën stok, pikërisht në arkat ku i dyshuari kryesor për vjedhjen ka deklaruar se ka marrë shumën e madhë të parave.

Prokuroria e Rrethit Gjyqësor Tiranë po vijon me hetimin e kësaj çështje, ku fokusi kryesor vijon të mbetet destinacioni i shumës së vjedhur.

Guvernatori Fullani akuzohet nga prokuroria e Tiranës për “shpërdorim detyre” pas vjedhjes së 713 milionë lekëve nga Thesari i Shtetit.

Sot paradite, në Prokurorinë e Tiranës dëshmuan për 6 orë me radhë dy anëtaret e Këshillit Mbikqyrës së Bankës së Shqipërisë, Ermelinda Meksi dhe Ela Golemi, së bashku me ish-inspektoren e Bankës Qëndrore Teuta Baleta dhe drejtorin juridik Altin Naçi.

Më vonë, Drejtuesi i prokurorisë së kryeqytetit, Petrit Fusha, sqaroi për mediat se hetimet janë drejt fundit dhe të gjithë personat që kanë dijeni për vjedhjen do të thirren në Prokurori,duke përfshirë këtu dhe Guvernatorin e Bankës, Ardian Fullani. Pas arrestimit të Guvernatorit Fullani, reagoi Kryetari i Komisionit Parlamentar të Ekonomisë, Erion Braçe në rrjetin social “Facebook”, i cili shkruan se “duhej vetëm durim.Gjërat kanë ndryshuar njëherë e përgjithmonë në këtë vend.Përgjegjësia është e para”.

HermesNews - ©2014

Dërgo me email | Stampo artikullin