02/09/2014 15:40:36

Skandali, FMN takohet me Fullanin

Misioni i fondit monetar ndërkombëtar bisedon për situatën makroenomike në vend

TIRANË - Misioni i radhës së Fondit Monetar Ndërkombëtar takohet me Guvernatorin e Bankës së Shqipërisë Ardian Fullani dhe anëtarët e Këshillit Mbikqyrës. Misioni i FMNsë prej një jave ka zhvilluar takime me përfaqësues të Ministrinë e Financave, Bankës së Shqipërisë, Ministrisë së Zhvillimit Ekonomik, Tregtisë dhe Sipërmarrjes, Tatimeve, Doganave, INSTAT-it. Takimet do të zhvillohen deri në datën 8 shtator dhe në fokus të bisedimeve do të jenë: situata makroekonomike, zhvillimet dhe prospektivat; të dhënat rreth rritjes ekonomike; inflacioni; performanca e të ardhurave, ecuria e taksave; shlyerja e detyrimeve të prapambetura; reformat në sektorët e energjisë, pensioneve, etj; investimet e huaja; niveli aktual i borxhit dhe planet për vitet e ardhshme; buxheti i shtetit, shpenzimet, tavanet, investimet;etj. Në fund të bisedimeve, parashikohet të zhvillohet një konferencë e përbashkët për shtyp.

HermesNews - ©2014

Dërgo me email | Stampo artikullin