01/09/2014 18:59:26

Furtunë në Policinë e Shtetit

Tahiri ka nënshkruar një numër ndryshimesh në struktura

TIRANË - Ministri i Brendshëm, Saimir Tahiri, ka nënshkruar sot një numër ndryshimesh në strukturat e Policisë së Shtetit, me qëllim rritjen e performancës së saj.
Sipas njoftimit zyrtar të Policisë,

Sokol Bizhga është liruar nga detyra e Zv/Drejtorit të Përgjithshëm për Krimin e Organizuar dhe Krimet e Rënda me kërkesën e tij, me synim për të kontribuar në detyra të tjera të rëndësishme së bashku me partnerët, që kanë të bëjnë me hartimin e strategjive kundër krimit të organizuar në nivel rajonal.

Haki Çako, emërohet në detyrën zv/Drejtorit të Përgjithshëm të Policisë së Shtetit për Krimin e Organizuar dhe Krimet e Rënda. Më parë ai mbante postin e Drejtorit të Policisë së Qarkut Gjirokastër.

Po ashtu, është firmosur lirimi nga detyra i zv/Drejtorit të Përgjithshëm për Kufirin e Migracionin, Pëllumb Nako, i cili ka përmbushur afatet e parashikuara në ligj për qëndrimin në detyrën e Zv/Drejtorit të Përgjithshëm të Policisë.
Ndërkohë, me urdhër të Drejtorit të Përgjithshëm të Policisë së Shtetit, Artan Didi, janë bërë dhe ndryshimet e mëposhtme:
- Sokol Bizhga emërohet në detyrën e Drejtorit të Studimeve Strategjike në Drejtorinë e Përgjithshme të Policisë
- Pëllmb Nako emërohet specialist në Drejtorinë e Studimeve Strategjike
- Bilbil Mema emërohet Drejtor i Qendrës së Formimit Policor
- Kastriot Skënderaj emërohet drejtor i Policisë së Qarkut Gjirokastër. Më parë mbante postin e Drejtorit të Policisë së Qarkut Vlorë
- Alban Çela emërohet drejtor i Policisë së Qarkut Kukës, Më parë kryente detyrën e zv/Drejtorit të Policisë së Qarkut Berat
- Ilirjan Balla emërohet Shef Sektori në Drejtorinë për Krimet e Rënda në Drejtorinë e Përgjithshme të Policisë së Shtetit. Më parë kryente detyrën e Drejtorit të Policisë së Qarkut Kukës.
- Afrim Tafa emërohet zv/Drejtor i Policisë së Qarkut Berat. Më parë kryente detyrën si Shef Sektori në Drejtorinë për Krimet e Rënda në Drejtorinë e Përgjithshme të Policisë së Shtetit.
- Jaeld Çela emërohet Drejtor i Policisë së Qarkut Vlorë. Më parë kryente detyrën e zv/Drejtorit të Policisë së Qarkut Durrës.
- Ervin Hasrama emërohet Shef i Komisariatit të Policisë Durrës.
- Erdit Elmazi emërohet Shef i Komisariatit të Policisë Fier.
- Rifat Çoku emërohet Shef i Komisariatit të Policisë, Malësi e Madhe
- Haki Hasanbega emërohet Shef i Komisariatit të Policisë Mallakastër.

HermesNews - ©2014

Dërgo me email | Stampo artikullin