01/09/2014 11:54:41

Akuza dhe kundërakuza ndërmjet tyre

Putin akuzon BEnë se po mbyll sytë. Mogherini, ''është në interes të Ukrainës, Europës dhe Rusisë që kriza të ketë një zgjidhje politike dhe jo një zgjidhje ushtarake''

MOSKË - Presidenti rus, Vladimir Putin akuzon drejtuesit europianë per neglizhencë se po mbyllin sytë ndaj veprimeve ushtarake të forcave ukrainase që kanë prekur zonat civile. "Forcat ukrainase kanë prekur në mënyrë të drejtpërdrejtë lagjet e banuara", deklaroi presidenti rus në propozimet e publikuara në televizion. "Në Europë, preferojnë të mos prononcohen", tha ai duke akuzuar Kievin se po refuzon një dialog politik me lindjen e ish-Republikës sovjetike. Pyetur për situatën në Ukrainë, ministrja italiane dhe përfaqësuesja e politikës së jashme në BE, Federica Mogherini tha se, Putin nuk ka respektuar kurrë angazhimet e ndërmarra në raste të ndryshme dhe që Kremlini reagon kundër interesave të popullit të tij. "Është në interes të Ukrainës, Europës dhe Rusisë që kriza të ketë një zgjidhje politike dhe jo një zgjidhje ushtarake, që thjesht nuk ekziston", shtoi ajo.

HermesNews - ©2014

Dërgo me email | Stampo artikullin