31/08/2014 15:41:40

Rusia të ndryshojë brenda një jave

Komisioni Europian u ngarkua për të përgatitur në mënyrë urgjente një sërë sanksionesh të reja

BRUKSEL - Bashkimi Europian i dha sot një javë kohë Rusisë për të ndryshuar qëndrimin në Ukrainë, nën kërcënimin e sanksioneve të reja. "Këshilli Europian është i gatshëm të marrë më shumë masa në kuadër të përshkallëzimit të situatës në Ukrainë", deklaroi presidenti i Këshillit, Herman Van Rompuy, në përfundim të samitit europian të jashtëzakonshëm. Komisioni Europian u ngarkua për të përgatitur në mënyrë urgjente një sërë sanksionesh të reja. Këto të fundit duhet të paraqiten brenda javës dhe një vendim do të merret në funksion të zhvillimit të situatës”, theksoi ai. "Këto sanksione do të kenë një ndikim të dukshëm në ekonominë ruse", nënvizoi Van Rompuy.

HermesNews - ©2014

Dërgo me email | Stampo artikullin