30/08/2014 13:10:28

Katër bombardime amerikane në veri

Amerikanët bombardojnë disa kamione të Isis në veri të irakut. Tjetër ekzekutim barbar në Mossul. Ndihmat e Shqipërisë mbërrijnë në Irak

DAMASK - Vazhdojnë sulmet amerikane kundër lokacioneve të shtetit islamik në veri të irakut. Komanda e përgjithshme e SHBAsë ka deklarauar se kishte lëshuar katër sulme ajrore, duke e çuar 110 numrin e tyre në total, që nga fillimi i misionit amerikan më datë 8 Gusht. Raketat bombarduan katër kamionë të armatosur që mbështesin shtetin islamik afër digës në Mossul.

Sipas komandës qëndrore ushtarake, Usa (Centcom) në vend janë dërguar për të mbështetur operacionet e forcave të sigurisë irakene e kurde, për të mbrojtur infrastrukturën strategjike, personelin amerikan dhe për ndihma humanitare.

Emergjenca më e madhe humanitare

Komisari i lartë i Kombeve të Bashkuara për refugjatvt Antonio Guterres tha se, "ndodhemi para urgjencës më të madhe humanitare të epokës sonë".

Refugjatët sirianë jashtë kanë kaluar 3 milionë, ndërsa brenda vendit të pastrehët janë 6,5 milionë.

Gjithsesj, thuajse 50% e sirianëve.

Betejat vazhdojnë ndërmjet regjimit të rebelëve dhe luftëtarëve të (Isis) që janë në ofensive në veri lindje të Sirisë dhe në rajonet irakene, jashtë kufirit.

Sot xhiadistët kanë vënë në veprim një tjetër ritual hororri në internet, me ekzekutimin e një ushtari kurd në Mosul.

Një ekzekutim i pastër i bërë në shkretëtirën siriane, siç bënë me gazetarin amerikan James Foley. I burgosuri që mban një uniformën të guantanamos, shfaqet në gjunjë dhe detyrohet të lexojë një mesazh kërcenues ndaj autoriteteve kurde dhe irakene. "Shpirtërat tanë janë në dorën tuaj. Cdo gabim apo pakujdesi nga ana juaj na kushton jetën". Sipas një burimi të Unhcr, tragjedia e refugjatëve sirianë jashtë mund të rritet gjithnjë e më tepër. Vetëm brenda një viti numri i tyre është rritur nga nje dy ne tre milione, pa numeruar ata qe nuk jane te rregjistruar zyrtarisht. Pjesa më e madhe janë nga Libani, Jordania dhe Turqia.

Kryeministri britanik David Cameron e quajti sot, "kërcënimi më i madh i bërë deri tani", sigurisë së Britanisë.

Burime zyrtare kanë përjashtuar faktin se mund të lidhen raporte me regjimin e Damaskut për kërcenimet ndaj Isis.

Shqipëria ndër shtatë vendet që ndihmojnë në Irak

Kryeministri kanadez, Stephen Harper bëri të ditur se, "ngarkesa e parë me armë nga Shqipëria ka mbërritur ditën e sotme në Irak, përmes një avioni kanadez". Përmes një deklarate në faqen e qeverisë kanadeze bëhet e ditur se, një avion transporti strategjik CC-177 Globemaster III I forcave ajrore kanadeze ka përfunduar shpërndarjen e tij të parë të pajisjeve ushtarake të dhuruara nga Republika e Shqipërisë për forcat e sigurisë në Irak që luftojnë kundër Shtetit Islamik të Irakut dhe Levantit (ISIS). Ngarkesa me armë nga Shqipëria u dërgua pas vendimit të qeverisë shqiptare për të qenë pjesë e koalicionit për mbështetjen e Qeverisë së Irakut me armë të lehta dhe municione në luftën kundër terroristëve të të ashtuquajturit Shtet Islamik i Irakut dhe Levantit (ISIL). Shqipëria është një nga 7 vendet që do të ndihmojë me armë Irakun.

HermesNews - ©2014

Dërgo me email | Stampo artikullin