29/08/2014 16:20:44

Ja si i punësonte në Kazakistan. Zbulohet skema e mashtrimit

Zbulohet një tjetër skemë mashtrimi e 51 vjeçarit Kujtim Kallogjeri

DURRES - Policia zbuloi sot një tjetër skemë mashtrimi të 51 vjeçarit Kujtim Kallogjeri. Zyra e krimit ekonomik sekuestroi 64 pasaporta shqiptare, që Kallogjeri ua kishte mbajtur shtetasve që u kishte premtuar se do t'i punësonte në Kazakistan, duke u marrë €350. Ai jo vetëm që nuk e ka mbajtur asnjëherë premtimin, por nuk u ka kthyer asnjëherë shumat e marra. Policia sekuestroi të gjitha pasaportat ndërsa 51 vjeçari ndodhej ne dhomat e paraburgimit, për të njëjtën vepër penale të mashtrimit, pasi bazuar në kallëzimet e depozituara në Polici rezulton se iu ka shitur më shumë se një herë të njëjtin apartament (nga banesat që ka ndërtuar shoqëria që përfaqëson) shtetasve të ndryshëm, apo nuk ka respektuar kushtet e përcaktuara në kontratat e shitjes.

HermesNews - ©2014

Dërgo me email | Stampo artikullin