28/08/2014 16:47:01

Zbulohet droga në banesë. Do shitej në tregun e brendshëm

Antidroga sekuestron 110 kilogramë Marijuanë dhe arreston pesë shtetas nga qytete të ndryshme, Alfred Balloku shpallet në kërkim

DURRES - Gjysmë kilogramë Kokainë dhe 110 kg Marijuanë (foto) u sekuestruan sot nga policia e durrësit, gjatë operacionit te koduar Stacioni, i cili kishte si objekt zbulimin e bandes qe grumbullonte lëndët narkotike në disa rrethe të vendit. Droga ishte e destinuar te tregtohej brenda vendit. Gjatë këtij operacioni u arrestuan në flagrancë 5 shtetas dhe u shpall në kërkim një i gjashtë, të gjithë banorë të zonave të ndryshme në Shkodër, Krujë, Laç, Fushë Krujë. Bëhet fjalë për Bardhok Përndoi, 40 vjec, banues në Laç: Gjon Shponi, 31 vjec, banues në Gur i Zi Shkodër: Bledi Shyti (Zefi), 31 vjec, banues në Vau i Dejës Shkodër: Arjan Boka, 55 vjec, banues në Kruj: Isuf Rama, 57 vjec, banues në Fushë Krujë.

U shpall në kërkim shtetasi Fred (Alfred) Balloku, 33 vjec, banues në Kurbin.

Droga ishte e fshehur në banesën e shtetasit Isuf Rama në Fushë Krujë ku u gjetën tetë thasë me Kanabis Sativa (boçe e thatë), e cila nga peshimi rezultoi në masën e 110 kg lëndë si dhe rreth 500 gr. Kokainë.

U sekuestrua dhe automjeti Benz C Class me targa AA002 CC dhe 12 copë telefona celularë.

Droga grumbullohej nga zona të ndryshme Shkodër, Laç dhe Krujë, për t'a tregtuar në qytete të ndryshme të vendit.

Hetimet vijojnë. Te tjera/ Kthehen tritolet në Shqipëri Babai i rreh sepse dolën pa leje. Të bijat e denoncojnë në polici

HermesNews - ©2014

Dërgo me email | Stampo artikullin