27/08/2014 18:06:30

Të ruajmë inflacionin

Guvernatori i Bankës së Shqipërisë Ardian Fullani për mediat garanton llogaridhënien e institucionit të tij

TIRANË - Kushtet monetare janë të përshtatshme për të kthyer inflacionin në nivelin e parashikuar. Ekonomia do të vazhdojë rritjen graduale progresive. Guvernatori i BSH Ardian Fullani tha se, "gjatë 3 mujorit të dytë janë rritur eksportet dhe importet". Lidhur me pyetjen për deklaratat e kryetarit të Komisionit të Ekonomisë, Erion Braçe, Guvernatori Ardian Fullani deklaroi se llogaridhënia e BSH në lidhje me vjedhjen e thesarit është në nivele maksimale. "BSH është një instituicion i ndërgjegjshëm llogaridhënës dhe transparent. Garantoj që informacioni zyrtar i dhënë nga BSH, kryetarit të Komisionit të Ekonomisë është dhënë në përputhje të plotë të kuadrit ligjor dhe rregullator. Për pjesën që nuk i është dërguar është ftuar në ambjentet e BSH për të parë dokumentat e kërkuara nga kryetari i ekonomisë. Përgjegjshmëria dhe transparenca janë në nivele me të larta", tha Fullani.

HermesNews - ©2014

Dërgo me email | Stampo artikullin