27/08/2014 17:43:19

Ministri kanadez në Shqipëri për ukrainën

John Bird së shpejti vjen në Shqipëri. Kriza në Ukrainë dhe strategjia e përbashkët

TIRANE - Ministri i Punëve të Jashtme të Kanadasë, John Baird pritet të vizitojë Kroacinë, Serbinë dhe Shqipërinë, njoftoi ambasada kanadeze me seli në Romë. Ndërsa në Ballkan, Baird do të takohet me disa zyrtarë kryesorë të qeverisë. Në Shqipëri, Baird do të takohet me presidentin Bujar Nishani dhe kryeministrin Edi Rama, si dhe ministrin e Punëve të Jashtme, Ditmir Bushati. Kjo vizitë në Ballkan vjen pasi Baird foli për Ukrainën dhe çështje të tjera të sigurisë globale në një forum të nivelit të lartë në Salzburg, Austri. Ai diskutoi gjithashtu nevojën për një reagim të fuqishëm ndaj krizës në Ukrainë gjatë vizitave dypalëshe më parë, gjatë javës me homologët e tij, në Norvegji dhe Danimarkë. “Aktet e Rusisë, agresioni dhe kërcënimet ndaj Ukrainës bëjnë thirrje për veprim kolektiv”, tha Baird. “Kur paraqiten kërcënime të qarta për sigurinë ndërkombëtare, Kanadaja, së bashku me aleatët e saj të të njëjtit mendim, duhet në mënyrë të qartë të flasin, theksoi Baird.

HermesNews - ©2014

Dërgo me email | Stampo artikullin