27/08/2014 17:13:55

Trupat paqeuajtese kthehen në shtëpi

Rajoni i veprimeve të “Eagle-8″ është vlerësuar si kështjella e aktiviteteve terroriste në jug të Afganistanit, ku forcat talebane kanë qenë gjithmonë prezente dhe shumë aktive

TIRANË - Trupat e Kontigjentit Paqeruajtës “Eagle-8″, që shërbyen me mision në Afganistan janë kthyer në Atdhe. Me këtë rast, në mjediset e Batalionit të Forcave Speciale në Zall-Herr u zhvillua sot ceremonia e pritjes, ku ishin të pranishëm ministrja e Mbrojtjes, Mimi Kodheli, shefi i Shtabit të Përgjithshëm të FA-së, gjen/major Jeronim Bazo, ambasadori amerikan, Aleksandër Arvizu, etj. Në fjalën e saj përshëndetëse ministrja e Mbrojtjes, Mimi Kodheli tha se misioni i tetë luftarak i paqeruajtësve shqiptarë përmbyll me sukses angazhimin tonë me forca luftimi në misionin ISAF. “Rajoni i veprimeve të “Eagle-8″ është vlerësuar si kështjella e aktiviteteve terroriste në jug të Afganistanit, ku forcat talebane kanë qenë gjithmonë prezente dhe shumë aktive”, tha ministrja. Duke vënë në dukje kontributin e trupave shqiptare në misionin luftarak “Eagle-1″ nga viti 2010, Kodheli falënderoi SHBA-në për mbështetjen e këtij misioni”.

HermesNews - ©2014

Dërgo me email | Stampo artikullin