25/08/2014 14:27:38

SHKRIHET INSPEKTORIATI NDËRTIMOR

Rama, nuk ka legalizime pa dokumente. Qeveria legalizon vetëm objektin që përfshihet në dokumentacion. Brenda 30 ditësh Ministria e brendshme kontrollon ndërtimet pa leje

TIRANË - Brenda tridhjetë ditëve Ministria e punëve të brendshme do të kontrollojë nëse ka ndërtime pa leje në terren. Lajmi u dha nga Kryeministri Rama. Krimet ndaj ambjentit janë në kompetencë të policisë, tha kryeministri.

Inspektoriati transformohet rrënjësisht në funksion të punës së policisë së shtetit, "në funksion të arrestimit të çdo krimineli që cënon dhe 1 m² pronë të përbashkët pa autorizim të shtetit. Qeveria do të legalizojë vetëm objektin që përfshihet në dokumentacionin e dorëzuar për legalizim dhe jo ndërtimet e reja që bëhen në terren pas dorëzimit të këtyre dokumenteve."

Masa për çlirimin e territorit nga vendndodhja e plehrave në të gjitha akset rrugore të pa çertifikuara. "Kemi nisur një program investimesh strategjike në funksion të rigjenerimit urban", tha Rama.

Deri më tani në Shqipëri janë prishur 1 mijë objekte pa leje ndërtimi, deklaroi kryeministri Rama. Sipas tij, qeveria do të vërë në zbatim një model të ri administrimi të territorit.

"Deri tani arrijmë deri në 1 mijë objekte të paligjshme që janë goditur. Por është një numër aq mbresëlënës, dhe jo aq domethënës. Edhe vetë Inspektorati Kombëtar Urbanistik, do njohë një tjetërsim të plotë. Do kaloj nga një inspektorat që nuk na përgjigjet dhe asaj që presim ne ndaj luftës", premton kryeministri.

HermesNews - ©2014

Dërgo me email | Stampo artikullin